"Al-Hilol" "Fulxem"ga hujumchi Aleksandar Mitrovich uchun yaxshilangan taklif bilan chiqdi, deya xabar beradi jurnalist Ben Jeykobs.
Manbaning xabariga ko‘ra, ingliz klubi futbolchi uchun 30 million yevro miqdoridagi birinchi taklifni rad etgan. "Fulxem" hujumchi bilan xayrlashmoqchi emas.
28 yoshli hujumchi 2018 yildan buyon “Fulxem” safida to‘p tepadi. 2022/23 yilgi mavsumda u Premyer-ligada 24 ta o‘yinda maydonga tushib, 14 ta gol urdi va 2 ta golli uzatmani amalga oshirdi. Transfermarkt portali uning narxini 28 million yevroga baholamoqda.
