"Ал-Ҳилол" "Фулхэм"га ҳужумчи Александар Митрович учун яхшиланган таклиф билан чиқди, дея хабар беради журналист Бен Жейкобс.
Манбанинг хабарига кўра, инглиз клуби футболчи учун 30 миллион евро миқдоридаги биринчи таклифни рад этган. "Фулхэм" ҳужумчи билан хайрлашмоқчи эмас.
28 ёшли ҳужумчи 2018 йилдан буён “Фулхэм” сафида тўп тепади. 2022/23 йилги мавсумда у Премьер-лигада 24 та ўйинда майдонга тушиб, 14 та гол урди ва 2 та голли узатмани амалга оширди. Transfermarkt портали унинг нархини 28 миллион еврога баҳоламоқда.
