Myunxenning “Bavariya” klubi “Manchester Siti” bilan himoyachi Kayl Uokerning transferi borasida o‘zaro kelishishga yaqin turibdi.
Yaqinda ma’lum bo‘ldiki, "shaharliklar" angliyalikni "qizil mashina" himoyachisi Benjamin Pavarga almashtirmoqchi, u o‘zining serqirraligi tufayli himoyaning markaz va o‘ng qanotida ham o‘ynay oladi.
Bild xabariga ko‘ra, "Bavariya" fransiyalik futbolchining shartnomasi bir yildan keyin tugashini inobatga olgan holda uni 30 million yevroga baholamoqda.
Avvalroq "Bavariya" Uokerdan jamoaga o‘tish bo‘yicha rozilik olgandi.
