"Kalyari"ni A Seriyaga qaytargan Klaudio Ranyeri o‘z oldiga imkonsiz vazifalarni qo‘ymaydi va 2016 yilda Angliyaning "Lester"i bilan bo‘lgani kabi chempionlikni ham maqsad qilgan emas.
Intervyuda u orolliklarning kelgusi mavsumdagi asosiy maqsadi Italiya futbolining yuqori ligasida o‘z o‘rnini saqlab qolish ekanligini aytdi.
"A Seriya butunlay boshqa masala, bu B seriya emas, buni hammamiz yaxshi tushunamiz. Maqsadimiz A seriyadagi o‘rnimizni saqlab qolish.
Balki ikkinchi yili oldimizga ulkan maqsadlar qo‘yarmiz. Ammo birinchi navbatda, A Seriyada qolish uchun ruxsatnomani saqlab qolish kerak", – dedi Ranyeri.