"Bavariya" faxriy prezidenti Uli Xyoness Tomas Tuxelning klubdagi kelajagi haqidagi savolga javob berdi.
49 yoshli mutaxassis joriy yilning mart oyida Yulian Nagelsmanning o‘rniga myunxenliklar jamoasi boshqaruviga kelgandi.
Tuxel qo‘l ostida "Bavariya" Chempionlar ligasi va Germaniya kubogida muvaffaqiyatga erisha olmadi, lekin yana bir bor Bundesligada g‘olib chiqdi.
“Tuxel uzoq vaqt qoladimi? Hammamiz shunga umid qilamiz. Bu futbolchilarga bog‘liq, chunki ular yaxshi o‘ynasa, hech kim murabbiyni ishdan bo‘shamaydi.
Murabbiyni o‘zgartirishlarini yoqtirmaymiz, chunki bu foyda keltirmaydi va klub imiji uchun unchalik yaxshi emas.
Kadrlarning tez-tez o‘zgarib turishi zaiflik belgisidir, biz doimiylikka intilamiz", - deya Xyonessning so‘zlaridan iqtibos keltiradi "Bavariya" matbuot xizmati.
