Madridning “Atletiko” klubi hujumchisi Anxel Korrea kelajagi haqidagi savolga javob berdi.

"2026 yilgacha men "Atletiko" futbolchisi bo‘laman", - dedi Korrea. — Yangi mavsumga ishtiyoq bilan tayyorgarlik ko‘ryapman. Keling, keyin nima bo‘lishini ko‘ramiz. Men bu klubda o‘ynashdan xursand bo‘laman, "Atletiko"ni o‘zimni uyimdek his qilaman."

Korrea 2015 yildan buyon “Atletiko Madrid” safida to‘p tepadi. 28 yoshli argentinalik futbolchining shartnomasi 2026 yilning iyunigacha mo‘ljallangan. Transfermarkt portali futbolchining narxini 30 million yevroga baholamoqda.

2022/23 yilgi mavsumda Korrea barcha turnirlarda 45 ta o‘yinda maydonga tushib, 10 ta gol urdi va 4 ta golli uzatmani amalga oshirdi.