"Barselona"ning yangi futbolchisi Ilkay Gyundogan "Manchester Siti" bosh murabbiyi Xosep Gvardiola uning Kataloniya klubiga ketishiga bo‘lgan munosabati haqida gapirdi.

"Men uchun Xosep bu haqda birinchi bo‘lib bilishi muhim edi. Men unga o‘z minnatdorchiligimni bildirdim. U g‘amgin ko‘rinardi, lekin menga uning bolaligidagi, o‘zi yaxshi ko‘rgan klubiga o‘tganimdan xursand bo‘lgandek tuyuldi.

Gvardiola hamon "Barselona" muxlisi, u har bir o‘yinni kuzatib boradi. Klub va shahar haqida biror narsa bilishim kerak bo‘lsa, maslahat uchun unga murojaat qilaman", - dedi Gyundogan Eurosport bilan suhbatda.

Gyundogan o‘tgan mavsumda "Manchester Siti" safida barcha turnirlarda 51 ta o‘yinda maydonga tushib, 11 ta gol urdi va 6 ta golga assistentlik qildi.