"Барселона"нинг янги футболчиси Илкай Гюндоган "Манчестер Сити" бош мураббийи Хосеп Гвардиола унинг Каталония клубига кетишига бўлган муносабати ҳақида гапирди.
"Мен учун Хосеп бу ҳақда биринчи бўлиб билиши муҳим эди. Мен унга ўз миннатдорчилигимни билдирдим. У ғамгин кўринарди, лекин менга унинг болалигидаги, ўзи яхши кўрган клубига ўтганимдан хурсанд бўлгандек туюлди.
Гвардиола ҳамон "Барселона" мухлиси, у ҳар бир ўйинни кузатиб боради. Клуб ва шаҳар ҳақида бирор нарса билишим керак бўлса, маслаҳат учун унга мурожаат қиламан", - деди Гюндоган Eurosport билан суҳбатда.
Гюндоган ўтган мавсумда "Манчестер Сити" сафида барча турнирларда 51 та ўйинда майдонга тушиб, 11 та гол урди ва 6 та голга ассистентлик қилди.
