"Yuventus"ning sobiq himoyachisi Xuan Kuadrado "Inter" bilan shartnoma imzolamoqchi.
Insayder Fabrisio Romanoning yozishicha, “neradzurrilar” bilan shartnoma imzolash uchun 35 yoshli kolumbiyalik Saudiya Arabistonidan yiliga 8 million yevro maosh oladigan taklifni rad etgan.
Nikolo Skiraning xabariga ko‘ra, Kuadrado "Inter" bilan bir yillik shartnoma imzolaydi. Futbolchining maoshi bonuslarni hisobga olmaganda 2 million yevroni tashkil qiladi.
Endilikda erkin agent bo‘lgan Kuadrado "Yuventus" safida 314 ta o‘yinda maydonga tushib, 26 ta gol urdi va 65 ta golli uzatmani amalga oshirdi. Turin tarkibida u 5 marta A Seriya g‘olibiga aylangan, uch marta Italiya kubogini qo‘lga kiritgan va ikki marta mamlakat Superkubogini qo‘lga kiritgan.
