"Ювентус"нинг собиқ ҳимоячиси Хуан Куадрадо "Интер" билан шартнома имзоламоқчи.
Инсайдер Фабрицио Романонинг ёзишича, “нерадзуррилар” билан шартнома имзолаш учун 35 ёшли колумбиялик Саудия Арабистонидан йилига 8 миллион евро маош оладиган таклифни рад этган.
Николо Скиранинг хабарига кўра, Куадрадо "Интер" билан бир йиллик шартнома имзолайди. Футболчининг маоши бонусларни ҳисобга олмаганда 2 миллион еврони ташкил қилади.
Эндиликда эркин агент бўлган Куадрадо "Ювентус" сафида 314 та ўйинда майдонга тушиб, 26 та гол урди ва 65 та голли узатмани амалга оширди. Турин таркибида у 5 марта А Серия ғолибига айланган, уч марта Италия кубогини қўлга киритган ва икки марта мамлакат Суперкубогини қўлга киритган.
