"Inter Mayami" rahbariyati "Barselona"ning sobiq yulduzlari bilan shartnoma imzolashda davom etmoqda.
Lionel Messi va Serxio Buskets bilan tuzilgan shartnomalardan so‘ng Devid Bekxem jamoasi e’tiborini urugvaylik hujumchi Luis Suaresga qaratdi.
Jurnalist Gaston Edulning so‘zlariga ko‘ra, "Barselona", "Atletiko" va "Liverpul"ning sobiq hujumchisi Florida jamoasiga o‘tishga yaqin turibdi. Ma’lum qilinishicha, tomonlar bir qancha vaqt muzokaralar olib borib, kerakli natijaga erishgan. "Inter Mayami" Suaresning tez orada safga qo‘shilishiga ishonmoqda.
Eslatib o‘tamiz, Luis Suares Braziliyaning "Gremio" klubi futbolchisi. Zamonamizning eng yaxshi hujumchilaridan birining amaldagi jamoasi bilan shartnomasi 2024 yilgacha tuzilgan.
