"Интер Майами" раҳбарияти "Барселона"нинг собиқ юлдузлари билан шартнома имзолашда давом этмоқда.
Лионель Месси ва Серхио Бускетс билан тузилган шартномалардан сўнг Дэвид Бекхэм жамоаси эътиборини уругвайлик ҳужумчи Луис Суаресга қаратди.
Журналист Гастон Эдулнинг сўзларига кўра, "Барселона", "Атлетико" ва "Ливерпул"нинг собиқ ҳужумчиси Флорида жамоасига ўтишга яқин турибди. Маълум қилинишича, томонлар бир қанча вақт музокаралар олиб бориб, керакли натижага эришган. "Интер Майами" Суареснинг тез орада сафга қўшилишига ишонмоқда.
Эслатиб ўтамиз, Луис Суарес Бразилиянинг "Гремио" клуби футболчиси. Замонамизнинг энг яхши ҳужумчиларидан бирининг амалдаги жамоаси билан шартномаси 2024 йилгача тузилган.
