"Liverpul"ning yangi futbolchisi Dominik Soboslai "Karlsrue"ga qarshi o‘rtoqlik uchrashuvida (4:2) "Liverpul" safidagi debyuti haqida o‘z fikrlarini bildirib o‘tdi.
"Bu juda yoqimli daqiqalar. Bunday klubdagi debyutimdan faxrlanaman. "Liverpul"da yangi o‘yinlarni intiqlik bilan kutaman.
G‘alaba qozonish har doim yoqimli. Biz g‘alaba qozonish uchun bor kuchimizni sarfladik. Endi biz navbatdagi yig‘inga tayyorgarlik ko‘ryapmiz", - deya vengriyalik futbolchining so‘zlaridan iqtibos keltiradi klub matbuot xizmati.
Dominik shu yozgi transfer oynasida "Liverpul"ga o‘tdi. U klub bilan 2028 yilning yoziga qadar shartnoma imzoladi.
