"Ливерпул"нинг янги футболчиси Доминик Собослаи "Карлсруэ"га қарши ўртоқлик учрашувида (4:2) "Ливерпуль" сафидаги дебюти ҳақида ўз фикрларини билдириб ўтди.
"Бу жуда ёқимли дақиқалар. Бундай клубдаги дебютимдан фахрланаман. "Ливерпул"да янги ўйинларни интиқлик билан кутаман.
Ғалаба қозониш ҳар доим ёқимли. Биз ғалаба қозониш учун бор кучимизни сарфладик. Энди биз навбатдаги йиғинга тайёргарлик кўряпмиз", - дея венгриялик футболчининг сўзларидан иқтибос келтиради клуб матбуот хизмати.
Доминик шу ёзги трансфер ойнасида "Ливерпул"га ўтди. У клуб билан 2028 йилнинг ёзига қадар шартнома имзолади.
