Romelu Lukaku "Yuventus"ga o‘tish bo‘yicha muammolar tufayli yana "Inter"ga o‘tishni xohlamoqda.
Avvalroq, 2022/23-yilgi mavsumda “Inter”da “Chelsi”dan ijara asosida o‘ynagan Lukaku “Yuventus” bilan muzokaralar olib borayotgani, shu sabab milanliklar belgiyalik futbolchini sotib olishdan bosh tortgani haqida xabar berilgandi.
La Gazzetta dello Sport nashri xabariga ko‘ra, bir necha kun oldin Lukaku muzokaralarni qayta boshlash maqsadida yana "Inter" bilan bog‘langan. "Yuventus" hujumchini Dushan Vlaxovichni sotmaguncha qo‘lga kirita olmaydi.
"Inter" Lukaku bo‘yicha muzokaralarni davom ettirishdan bosh tortdi, chunki klub allaqachon hujumni kuchaytirishning muqobil variantlariga e’tibor qaratgandi, xususan, milanliklar Folarin Balogun va Alvaro Morataga qiziqish bildirmoqda.
