Ромелу Лукаку "Ювентус"га ўтиш бўйича муаммолар туфайли яна "Интер"га ўтишни хоҳламоқда.
Аввалроқ, 2022/23-йилги мавсумда “Интер”да “Челси”дан ижара асосида ўйнаган Лукаку “Ювентус” билан музокаралар олиб бораётгани, шу сабаб миланликлар бельгиялик футболчини сотиб олишдан бош тортгани ҳақида хабар берилганди.
La Gazzetta dello Sport нашри хабарига кўра, бир неча кун олдин Лукаку музокараларни қайта бошлаш мақсадида яна "Интер" билан боғланган. "Ювентус" ҳужумчини Душан Влаховични сотмагунча қўлга кирита олмайди.
"Интер" Лукаку бўйича музокараларни давом эттиришдан бош тортди, чунки клуб аллақачон ҳужумни кучайтиришнинг муқобил вариантларига эътибор қаратганди, хусусан, миланликлар Фоларин Балогун ва Альваро Моратага қизиқиш билдирмоқда.
