"Manchester Yunayted" bosh murabbiyi Erik ten Xag himoyachi Garri Maguayrning kelajagi borasidagi fikrlari bilan o‘rtoqlashdi va u tarkibda qolishini ta’kidladi.
Maguayr jamoaning birinchi sardorligidan mahrum bo‘lganidan so‘ng, ehtimoliy ketishi taxmin qilingandi, ammo ten Xag uni tarkibda saqlab qolishdan xursand ekanligini tasdiqladi.
"Bu futbolchi uchun umidsizlik bo‘lganini hamma tushunishi mumkin. Ammo bu jamoa uchun ham, Garri uchun ham yaxshi variant bo‘lishi mumkin. U biz uchun muhim futbolchi. Bizda to‘rtta markaziy himoyachi bor va jamoamiz uchun kamida to‘rtta markaziy himoyachi bo‘lishi kerak", - dedi Ten Xag matbuot anjumanida.
