Jurnalist Fabrisio Romanoning xabar berishicha, “Al-Ittifoq” “Lion”ning sobiq hujumchisi Mussa Dembeleni erkin agent sifatida o‘z safiga qo‘shib olishga yaqin turibdi.

Manbaga ko‘ra, kelishuv yaqin orada rasman e’lon qilinadi. Tomonlar o‘rtasida og‘zaki kelishuvga erishildi.

Qayd etilishicha, futbolchi Saudiya klubi bilan 4 yillik shartnoma imzolaydi.

27 yoshli Dembele o‘tgan mavsumda "Lion" safida barcha turnirlar doirasida 28 ta o‘yinda maydonga tushib, 3 ta gol urdi va 1 ta golli uzatmani amalga oshirdi. Transfermarkt portali futbolchining narxini 12 million yevroga baholamoqda.