Журналист Фабрицио Романонинг хабар беришича, “Ал-Иттифоқ” “Лион”нинг собиқ ҳужумчиси Мусса Дембелени эркин агент сифатида ўз сафига қўшиб олишга яқин турибди.

Манбага кўра, келишув яқин орада расман эълон қилинади. Томонлар ўртасида оғзаки келишувга эришилди.

Қайд этилишича, футболчи Саудия клуби билан 4 йиллик шартнома имзолайди.

27 ёшли Дембеле ўтган мавсумда "Лион" сафида барча турнирлар доирасида 28 та ўйинда майдонга тушиб, 3 та гол урди ва 1 та голли узатмани амалга оширди. Transfermarkt портали футболчининг нархини 12 миллион еврога баҳоламоқда.