"Manchester Yunayted" Germaniyadan hujumchi sotib olishi mumkin. Xabarlarga ko‘ra, "qizil iblislar" faqatgina Rasmus Xyoylunnga bog‘lanib qolmoqchi emas.

Ularda yana bir variant ham bor. "Ayntraxt" hujumchisi Randal Kolo Muani mankunianliklarning zaxiradagi varianti sanaladi. Frankfurt jamoasi o‘z futbolchisini 100 million yevro evaziga qo‘yib yuborishi mumkin.

24 yoshli hujumchi o‘tgan mavsumda 46 ta bahsda jami 23 ta gol va 17 ta assistga mualliflik qilgandi. Unga "Bavariya" ham da’vogar sanaladi.