"Inter Mayami" klubi hammuallifi Xorxe Mas amerikalik hujumchi Lionel Messi "Kamp Nou"da xayrlashuv o‘yinini o‘tkazish imkoniga ega bo‘lishiga umid qilmoqda.

Mas argentinalik futbolchini Kataloniya klubiga ijaraga qaytarish varianti ko‘rib chiqilmayotganini ta’kidladi.

"Bu mening shaxsiy fikrim. Bu qandaydir o‘rtoqlik yoki xayrlashuv o‘yini bo‘ladimi, bilmayman. Ularda yozda o‘tkaziladigan Joan Gamper kubogi bor. Umid qilamanki, yangi "Kamp Nou" ochilganda nimadir bo‘ladi, chunki keyingi bir yarim yil davomida ularning stadionida o‘yinlar bo‘lmaydi. Umid qilamanki, Messi xayrlasha oladi.

Bu uning "Barselona"da o‘ynaydi degani emas. Messi Kataloniyaga ijaraga bormaydi. Bu sodir bo‘lmaydi. Lekin, Messi u yerda munosib xayrlashishga loyiqdir. Men bunga hissa qo‘shish va unga yordam berish uchun qo‘limdan kelgan barcha ishni qilaman, chunki Leo bunga loyiqdir", - dedi Mas AS bilan suhbatda.

36 yoshli Messi 2003 yildan 2021 yilgacha "Barselona"da o‘ynagan.