Ispaniya terma jamoasi yarim himoyachisi Rodri Jahon chempionati yakunlanganidan keyin jarrohlik amaliyotini o‘tkazadi. Bu haqda Daily Mail nashri xabar tarqatdi.
«Rodri Ispaniya terma jamoasining Jahon chempionatidagi ishtirokidan so‘ng sirli jarohat tufayli operasiya qilinadi va mavsum startini o‘tkazib yuboradi», — deyiladi manba matnida.
Qayd etilishicha, «Manchester Siti» klubi Rodrining muammosi borasida qandaydir izoh berishni rad etgan.
Shuningdek, manbaning alohida ta’kidlashicha, Rodriga operasiyadan keyin tiklanish uchun juda ko‘p vaqt talab etilmaydi. Shunga qaramay, «Manchester Siti» xavbeki 2026/2027 yilgi mavsumning dastlabki qismini o‘tkazib yuborishiga to‘g‘ri keladi.
Eslatib o‘tamiz, yaqinda Enso Mareska «Manchester Siti»ning yangi bosh murabbiyi etib tayinlangan edi.
