"Bavariya" Xarri Keyn transferi bo‘yicha "Tottenxem" bilan yangi muzokaralarni rejalashtirdi.
Avvalgi muhokamalar muvaffaqiyatga olib kelmadi, ammo Myunxen klubi bu masalani muvaffaqiyatli yakunlashga qaror qildi. Jurnalist Rudi Galettining fikricha, yangi hafta Keynning kelajagi uchun hal qiluvchi bo‘lishi mumkin. "Bavariya" tez orada "Tottenxem"ga yana bir yaxshilangan taklif bilan chiqadi - taxminan 90 million funt (deyarli 105 million yevro).
Amaldagi shartnomasi 2023/24 yilgi mavsum oxirida tugaydigan Xarri Keynning o‘zi "Bavariya"ga o‘tmoqchi va "shporlar" rahbariyatidan sotuvga rozilik berishni so‘ramoqda.
