Myunxenning “Bavariya” klubi shu hafta “Tottenxem” hujumchisi Xarri Keyn transferi borasida kelishib olmoqchi. Jurnalist Kerri Xouning so‘zlariga ko‘ra, qizil mashina "shporlar" bilan muzokaralarda tezlashmoqda.
Avvalroq "Bavariya" delegasiyasi Londonga "Tottenxem" prezidenti Deniyel Levi bilan uchrashish uchun kelgani, unda Keyn transferi bo‘yicha kelishuv shartlari muhokama qilinishi ma’lum bo‘lgandi.
Xarri allaqachon Tomas Tuxel jamoasiga o‘tishga rozi bo‘lgan va u bilan uzoq muddatli shartnoma shartlarini kelishib olgan. 30 yoshli Keyn, agar "Tottenxem" yozda uni qo‘yib yubormasa, bir yildan so‘ng erkin agentga aylanishi mumkin.













