"Sautgempton" yarim himoyachisi Romeo Laviya "Liverpul"ning radarida qolmoqda. Matbuotda "avliyolar" mersisaydliklarning 19 yoshli futbolchining transferi bo‘yicha ikkita taklifini rad etgani haqida ma’lumot paydo bo‘ldi.

Ijtimoiy tarmoq jurnalisti Sasha Tavolyerining so‘zlariga ko‘ra, "Liverpul" futbolchi uchun uchinchi va oxirgi taklifni berishga tayyor. Gap 40 million funt (46,5 million yevro) va bonuslar haqida bormoqda.

Laviya o‘z vakillari orqali "Sautgempton"ga "Liverpul"ga o‘tish istagi haqida allaqachon ma’lum qilgan.