“Atalanta” hujumchisi Luis Muriel “Ash-SHabob”ning nishoniga tushdi.
Kolumbiyalik futbolchi o‘tgan mavsumda Jan-Pyero Gasperini jamoasida kamdan-kam maydonga tushdi va joriy transfer oynasida klubini almashtirish haqida o‘ylamoqda. Insayder Nikolo Skiraning so‘zlariga ko‘ra, 32 yoshli futbolchi Saudiyaning “Ash-SHabob” guruhi tomonidan nishonga olingan. Shu bilan birga, takidlanganidek, hujumchining o‘zi faoliyatini Yevropada davom ettirishni afzal ko‘rmoqda.
Luis Muriel so‘nggi mavsumda “Atalanta” safida 31 o‘yinda maydonga tushib, 3 ta gol va 5 ta golli uzatmaga mualliflik qilgan.
