Transfermarkt xabariga ko‘ra, "Beshiktosh" "Arsenal" hujumchisi Nikolya Pepeni sotib olishga yaqin turibdi. Turk klubi tez orada erkin agentga aylanishi mumkin bo‘lgan 28 yoshli ivuarlik futbolchini o‘z safiga qo‘shib olmoqchi.

Pepe 2019 yilning yozida 80 million yevro evaziga "Lill"dan "Arsenal"ga o‘tgan edi. Futbolchining "kanonirlar" bilan amaldagi shartnomasi 2024 yilning yoziga qadar tuzilgan.

Pepe o‘tgan mavsumda "Nissa"da ijara asosida o‘ynadi. U klub safida 28 ta o‘yinda 8 ta gol urdi va 1 ta golli uzatmani amalga oshirdi.