Janluka Skamakka "Atalanta"ga o‘tishga qaror qildi.
Jurnalist Janluka Di Marsioning yozishicha, “Vest Xem” forvardi bergamoliklarning taklifini qabul qilgan va yiliga 3,2 million yevro ishlab oladi. Londonliklar 24 yoshli futbolchi uchun 25 million yevro va yana 5 million oson erishib bo‘ladigan bonuslar olishadi.
5 avgust kuni ertalab futbolchi Italiyaga uchib ketadi, shundan so‘ng u tibbiy ko‘rikdan o‘tadi.
Avvalroq Skamakkaga da’vogarlik qilgan “Inter” endi bor e’tiborini Folarin Balogun (“Arsenal”) yoki Beto Betunkale (“Udineze”)ga qaratadi.
