Жанлука Скамакка "Аталанта"га ўтишга қарор қилди.
Журналист Жанлука Ди Марционинг ёзишича, “Вест Хэм” форварди бергамоликларнинг таклифини қабул қилган ва йилига 3,2 миллион евро ишлаб олади. Лондонликлар 24 ёшли футболчи учун 25 миллион евро ва яна 5 миллион осон эришиб бўладиган бонуслар олишади.
5 август куни эрталаб футболчи Италияга учиб кетади, шундан сўнг у тиббий кўрикдан ўтади.
Аввалроқ Скамаккага даъвогарлик қилган “Интер” энди бор эътиборини Фоларин Балогун (“Арсенал”) ёки Бето Бетункале (“Удинезе”)га қаратади.
