"Barselona" "Manchester Siti" yarim himoyachisi Bernardu Silvani o‘z safiga qo‘shib olish ustida ishlamoqda.

Portugaliyalik futbolchini Xavi Ernandes "PSJ"ga o‘tishga qaror qilgan Usmon Dembele o‘rniga futbolchi sifatida ko‘rmoqda. SPORT nashri xabariga ko‘ra, "Barselona" yaqin vaqt ichida Silvani keyinchalik sotib olish imkoniyati bilan ijaraga olish taklifi bilan chiqishi mumkin.

Shuningdek, 28 yoshli yarim himoyachini bonuslarni hisobga olgan holda 75 million yevroga to‘g‘ridan-to‘g‘ri sotib olish imkoniyati mavjud, ammo bu operasiyani amalga oshirish uchun Kataloniya klubi avvalo yirik savdoni amalga oshirishi kerak.

Bernardu Silvaning o‘zi ham "Barselona"ga o‘tishga qiziqmoqda, ammo "Manchester Siti" futbolchini sotishni istamayapti.