"Барселона" "Манчестер Сити" ярим ҳимоячиси Бернарду Силвани ўз сафига қўшиб олиш устида ишламоқда.

Португалиялик футболчини Хави Эрнандес "ПСЖ"га ўтишга қарор қилган Усмон Дембеле ўрнига футболчи сифатида кўрмоқда. SPORT нашри хабарига кўра, "Барселона" яқин вақт ичида Силвани кейинчалик сотиб олиш имконияти билан ижарага олиш таклифи билан чиқиши мумкин.

Шунингдек, 28 ёшли ярим ҳимоячини бонусларни ҳисобга олган ҳолда 75 миллион еврога тўғридан-тўғри сотиб олиш имконияти мавжуд, аммо бу операцияни амалга ошириш учун Каталония клуби аввало йирик савдони амалга ошириши керак.

Бернарду Силванинг ўзи ҳам "Барселона"га ўтишга қизиқмоқда, аммо "Манчестер Сити" футболчини сотишни истамаяпти.