"Benfika" yarim himoyachisi Chikinyo "Dinamo"ga o‘tishga yaqin, deya xabar beradi O Jogo.

Nashrning yozishicha, Rossiya jamoasi 28 yoshli yarim himoyachi borasidagi muzokaralarda muvaffaqiyatga erishgan. Qayd etilishicha, Moskva klubi futbolchi uchun 4 million yevro to‘laydi.

Chikinyo 2018 yilning iyul oyida "Benfika"ga o‘tgan bo‘lib, jamoa tarkibida 109 o‘yinda 9 gol va 10 golga assistentlik qilgan. U shuningdek, "Moreyrense", "Braga" va "Giresunspor" klublarida ijara asosida o‘ynagan.

Transfermarkt.com portali yarim himoyachining narxini 6 million yevroga baholamoqda, futbolchining shartnomasi 2024 yilning iyun oyi oxirigacha amal qiladi.