"Бенфика" ярим ҳимоячиси Чикиньо "Динамо"га ўтишга яқин, дея хабар беради O Jogo.

Нашрнинг ёзишича, Россия жамоаси 28 ёшли ярим ҳимоячи борасидаги музокараларда муваффақиятга эришган. Қайд этилишича, Москва клуби футболчи учун 4 миллион евро тўлайди.

Чикиньо 2018 йилнинг июль ойида "Бенфика"га ўтган бўлиб, жамоа таркибида 109 ўйинда 9 гол ва 10 голга ассистентлик қилган. У шунингдек, "Морейренсе", "Брага" ва "Гиресунспор" клубларида ижара асосида ўйнаган.

Transfermarkt.com портали ярим ҳимоячининг нархини 6 миллион еврога баҳоламоқда, футболчининг шартномаси 2024 йилнинг июнь ойи охиригача амал қилади.