"Milan" yarim himoyachisi Sharl de Ketelare faoliyatini "Atalanta"da davom ettiradi.

Bergamo klubi kutilganidek, "rossonerilar" bilan belgiyalik futbolchining ijara shartlari bo‘yicha kelishib oldi. Football Italia xabariga ko‘ra, "Atalanta" "Milan"ga 3 million yevro to‘laydi, shartnomada 22 yoshli futbolchini 23 million yevroga sotib olish varianti ham ko‘zda tutilgan. Bundan tashqari, manbaga ko‘ra, bergamoliklar "Vest Xem" hujumchisi Janluka Skamakkini ham sotib olishga yaqin turibdi, ular bu transferga 30 million yevro taklif qilishga tayyor. Shu tariqa, yaqin vaqt ichida “ko‘k-qoralar” ikkita shov-shuvli kelishuvni e’lon qilishlari mumkin.

Sharl de Ketelarening "Milan" bilan shartnomasi 2027 yilgacha mo‘ljallangan.