"Милан" ярим ҳимоячиси Шарл де Кетеларе фаолиятини "Аталанта"да давом эттиради.

Бергамо клуби кутилганидек, "россонерилар" билан бельгиялик футболчининг ижара шартлари бўйича келишиб олди. Football Italia хабарига кўра, "Аталанта" "Милан"га 3 миллион евро тўлайди, шартномада 22 ёшли футболчини 23 миллион еврога сотиб олиш варианти ҳам кўзда тутилган. Бундан ташқари, манбага кўра, бергамоликлар "Вест Хэм" ҳужумчиси Жанлука Скамаккини ҳам сотиб олишга яқин турибди, улар бу трансферга 30 миллион евро таклиф қилишга тайёр. Шу тариқа, яқин вақт ичида “кўк-қоралар” иккита шов-шувли келишувни эълон қилишлари мумкин.

Шарл де Кетеларенинг "Милан" билан шартномаси 2027 йилгача мўлжалланган.