"Fiorentina" yarim himoyachisi Sofyan Amrabat hali kelajagi borasida bir qarorga kelmagan.

So‘nggi haftalarda "Manchester Yunayted" 26 yoshli futbolchi uchun yaqqol favoritga aylandi va marokashlik futbolchining o‘zi, bir necha bor xabar qilinganidek, "qizil iblislar" safiga qo‘shilishni istaydi. Jurnalist Florian Plettenbergning so‘zlariga ko‘ra, Erik ten Xag o‘z jamoasini "binafsharanglilar" yarim himoyachisi bilan kuchaytirish niyatiga qaramay, ingliz klubi Amrabat bilan hali kelishmagan. Futbolchi vakillari myunxenliklar yangi tayanch yarim himoyachi izlayotganini bilib, "Bavariya"dagi vaziyatni kuzatishda davom etishmoqda.

Sofyan Amrabatning ehtimoliy transfer narxi 30 million yevroga baholanmoqda.