"Фиорентина" ярим ҳимоячиси Софьян Амрабат ҳали келажаги борасида бир қарорга келмаган.

Сўнгги ҳафталарда "Манчестер Юнайтед" 26 ёшли футболчи учун яққол фаворитга айланди ва марокашлик футболчининг ўзи, бир неча бор хабар қилинганидек, "қизил иблислар" сафига қўшилишни истайди. Журналист Флориан Плеттенбергнинг сўзларига кўра, Эрик тен Хаг ўз жамоасини "бинафшаранглилар" ярим ҳимоячиси билан кучайтириш ниятига қарамай, инглиз клуби Амрабат билан ҳали келишмаган. Футболчи вакиллари мюнхенликлар янги таянч ярим ҳимоячи излаётганини билиб, "Бавария"даги вазиятни кузатишда давом этишмоқда.

Софьян Амрабатнинг эҳтимолий трансфер нархи 30 миллион еврога баҳоланмоқда.