«Marsel»ning ukrainalik yarim himoyachisi Ruslan Malinovskiy yozda Turkiyaning «Beshiktosh» klubi futbolchisiga aylanishi mumkin. Bu haqda Footmercato xabar bermoqda.
Manbaning xabariga ko‘ra, Malinovskiy Fransiya klubiga atigi olti oy oldin «Atalanta»dan o‘tganiga qaramay, jamoani tark etishi ehtimoli yuqori.
«Marsel» bu yozda hujum chizig‘ini sezilarli darajada kuchaytirdi, yangi mavsumda esa Ruslanga maydonda joy qolmaydi.
«Beshiktosh» ukrainalik futbolchiga jiddiy qiziqish bildirmoqda - turk klubi allaqachon futbolchi uchun birinchi taklifni yuborgan va «Marsel»ning javobini kutmoqda.
Malinovskiy «Torino» variantini afzal ko‘radi. Italiya klubi allaqachon 30 yoshli futbolchini ijaraga olish ustida faol ishlamoqda.
