Fransiyalik hujumchi Kilian Mbappe Madridning «Real» klubini tark etishi mumkin. Bu haqda insayder Fransua Gallyardo o‘zining ijtimoiy tarmoqlarida xabar bermoqda.

Jurnalistning ma’lumotlariga ko‘ra, hujumchi ayrim jamoadoshlarining xatti-harakatlaridan norozi. Xususan, Mbappe va «qaymoqranglilar»ning yana bir yulduzi — braziliyalik Vinisius Junior o‘rtasida tushunmovchiliklar yuzaga kelgan.

Kilian «qirollik klubi» safiga 2024 yilning yozida kelib qo‘shilgan edi. U madridliklar bilan 2029 yilning iyun oyi oxirigacha mo‘ljallangan mehnat shartnomasini imzolagan. 27 yoshli fransiyalik futbolchining bozor qiymati ayni damda 200 million yevroga baholanmoqda. La Liganing joriy mavsumida Mbappe 28 ta o‘yinda maydonga tushib, 24 ta gol urishga muvaffaq bo‘ldi.