Франциялик ҳужумчи Килиан Мбаппе Мадриднинг «Реал» клубини тарк этиши мумкин. Бу ҳақда инсайдер Франсуа Галльярдо ўзининг ижтимоий тармоқларида хабар бермоқда.
Журналистнинг маълумотларига кўра, ҳужумчи айрим жамоадошларининг хатти-ҳаракатларидан норози. Хусусан, Мбаппе ва «қаймоқранглилар»нинг яна бир юлдузи — бразилиялик Винисиус Жуниор ўртасида тушунмовчиликлар юзага келган.
Килиан «қироллик клуби» сафига 2024 йилнинг ёзида келиб қўшилган эди. У мадридликлар билан 2029 йилнинг июнь ойи охиригача мўлжалланган меҳнат шартномасини имзолаган. 27 ёшли франциялик футболчининг бозор қиймати айни дамда 200 миллион еврога баҳоланмоқда. Ла Лиганинг жорий мавсумида Мбаппе 28 та ўйинда майдонга тушиб, 24 та гол уришга муваффақ бўлди.
