«Manchester Siti» bosh murabbiyi Xosep Gvardiola Angliya chempionati 35-turida «Everton»ga qarshi o‘yinda (2:2) ochko yo‘qotilganidan so‘ng chempionlik poygasi haqida fikr bildirdi.
«Bu endi bizning qo‘limizda emas. Ilgari shunday edi, hozir esa yo‘q. Oldimizda hali o‘yinlar bor. Nima bo‘lishini ko‘ramiz», — dedi Gvardiola.
Mavsum yakunlanishiga uch tur qolgan bir paytda «Manchester Siti» 71 ochko bilan musobaqa jadvalida ikkinchi o‘rinni egallab turibdi. Peshqadam «Arsenal» hisobida esa 76 ochko mavjud. Shuni ham ta’kidlash joizki, «shaharliklar»ning zaxirada yana bir o‘yini bor.
Keyingi turda «Manchester Siti» «Brentford»ga qarshi maydonga tushadi. «Arsenal» esa «Vest Xem» bilan kuch sinashadi.













