Joriy yozda «Manchester Siti» xorvatiyalik futbolchi Yoshko Gvardiol transferi uchun 90 million yevro to‘lagan. U futbol tarixidagi eng qimmat himoyachiga aylandi. Ammo bu transfer Angliya premyer-ligasi uchun umumiy pozisiyalar uchun rekord emas. Quyida Angliya futboli tarixidagi eng qimmat transferlarni taqdim etamiz.
1. Enso Fernandes
Qayerga: «Chelsi»
Qayerdan: «Benfika»
Qachon: 2023 yil
Narxi: 121 million yevro
Yarim himoyachi Enso Fernandes «Chelsi»ga rekord pul evaziga o‘tdi. Ushbu transfer klubga 121 million yevroga tushdi (taxminan 105 million funt). Bu Angliya futboli tarixidagi rekord xarid hisoblanadi.
2. Jek Grilish
Qayerdan: «Aston Villa»
Qayerga: «Manchester Siti»
Qachon: 2021 yil
Transfer summasi: 117,5 million yevro
Grilish 2021 yilning avgustida «Manchester Siti»ga ko‘chib o‘tgandi. Transfer 117,5 million yevroni (100 million funt) tashkil etdi, bu nafaqat «shaharliklar», balki Britaniya futbol klublari (o‘sha paytda) uchun ham rekord ko‘rsatkich edi. Shartnoma muddati 6 yil edi.
3. Deklan Rays
Qayerdan: «Vest Xem Yunayted»
Qayerga: «Arsenal»
Qachon: 2023 yil
Transfer summasi: 116,60 million yevro
2023 yil iyul oyida «Vest Xem» yarim himoyachi Deklan Raysning «Arsenal» uchun rekord summaga tushishini e’lon qildi. U 117 million yevroni tashkil etdi, 5,8 million yevro miqdoridagi bonuslar ham taqdim etilgan.
4. Romelu Lukaku
Qayerdan: «Inter»
Qayerga: «Chelsi»
Qachon: 2021 yil
Transfer summasi: 113 million yevro
2021 yilda «Chelsi» deyarli «Manchester Siti»ning rekord xaridini takrorlashga muvaffaq bo‘ldi. «Aristokratlar» Romelu Lukaku transferi uchun 113 million yevro (97,5 million funt) to‘lashdi.
5. Pol Pogba
Qayerdan: «Yuventus»
Qayerga: «Manchester Yunayted»
Qachon: 2016 yil
Transfer summasi: 105 million yevro
2016 yilning avgustida «Manchester Yunayted» sobiq futbolchisi Pol Pogba bilan besh yillik shartnoma imzolaganini e’lon qildi. Transfer 105 million yevroni (89 million funt) tashkil etdi, bu o‘sha paytda ingliz klublari orasida rekord xarid bo‘lgandi.
6. Entoni
Qayerdan: «Ayaks»
Qayerga: «Manchester Yunayted»
Qachon: 2022 yil
Transfer summasi: 95 million yevro
2022 yilning avgustida «Manchester Yunayted» Entoni transferi bo‘yicha kelishuvga erishganini e’lon qildi. Transfer summasi 95 million yevro (82 million funt) edi, lekin agar aniq bonuslarga erishilsa, 5 million yevroga (4,3 million funt) oshishi mumkin edi.
7. Yoshko Gvardiol
Qayerdan: «RB Leypsig»
Qayerga: «Manchester Siti»
Qachon: 2023 yil
Transfer summasi: 90 million yevro
2023 yilning 5 avgust kuni «Siti» Xorvatiya terma jamoasi himoyachisi transferini e’lon qildi. Bitim 90 million yevroni tashkil qildi. Shu tariqa, Gvardiol bu ro‘yxatda Virjil van Deyk va Xarri Maguayrni ortda qoldirib, tarixdagi eng qimmat himoyachiga aylandi.
8. Xarri Maguayr
Qayerdan: «Lester»
Qayerga: «Manchester Yunayted»
Qachon: 2019 yil
Transfer summasi: 87 million yevro
2019 yilning 5 avgustida ingliz futbolchisi «Manchester Yunayted» futbolchisiga aylandi va klub bilan yana bir yilga uzaytirish imkoniyati bilan olti yillik shartnoma imzoladi. Uning transfer summasi 80 million funtni (87 million yevro) tashkil etib, uni tarixdagi eng qimmat himoyachiga aylantirdi.
9. Romelu Lukaku
Qayerdan: «Everton»
Qayerga: «Manchester Yunayted»
Qachon: 2017 yil
Transfer summasi: 84,70 million yevro
2017 yilning iyulida «Manchester Yunayted» Romelu Lukakuni 84,70 million yevroga (75 million funt va yana 15 million funt bonus) evaziga transfer qilganini e’lon qildi. O‘shanda bu ingliz klublari tarixidagi rekord xarid edi.
10. Virjil van Deyk
Qayerdan: Sautgempton
Qayerga: «Liverpul»
Qachon: 2018 yil
Transfer summasi: 84,65 million yevro
2018 yilning 1 yanvarida niderlandiyalik futbolchi «Liverpul»ga o‘tdi va o‘sha paytda futbol tarixidagi eng qimmat himoyachiga aylandi. Kelishuv 75 million funtni tashkil etdi, shartnoma 5 yil muddatga imzolandi. Bu summaning 10 foizini «Seltik» ham olgan.
