Braziliyalik agent Andre Kyuri "PSJ" hujumchisi Neymarning Parij klubiga o‘tishi haqida gapirdi.

"Uning "PSJ"ga bergan hamma narsasi bebahodir. U klub tarixidagi eng qimmat futbolchi, ammo u Parijga marketing bo‘yicha bergan narsasi aql bovar qilmaydi. Agar siz dunyoning istalgan nuqtasiga borsangiz, "PSJ" libosidagi yigit bo‘lishi aniq va ular ilgari klub nima ekanligini bilishmagan. Natijada Messi, Mbappe, Di Mariya va qolganlar bu yerga yetib kelishdi.

Agar Neymar va Mbappeni chetlab o‘tsak, yuz million yoki undan ko‘p muvaffaqiyatli bo‘lgan bitimlarni topa olmaymiz", - deya Kyurining so‘zlarini keltiradi AS.

Neymar 2017 yilda 222 million yevro evaziga "Barselona"dan "PSJ"ga o‘tgan edi. O‘shandan beri 31 yoshli braziliyalik parijliklar safida 173 ta o‘yinda maydonga tushib, 118 ta gol urgan va 77 ta golga assistentlik qilgan.