Бразилиялик агент Андре Кьюри "ПСЖ" ҳужумчиси Неймарнинг Париж клубига ўтиши ҳақида гапирди.

"Унинг "ПСЖ"га берган ҳамма нарсаси бебаҳодир. У клуб тарихидаги энг қиммат футболчи, аммо у Парижга маркетинг бўйича берган нарсаси ақл бовар қилмайди. Агар сиз дунёнинг исталган нуқтасига борсангиз, "ПСЖ" либосидаги йигит бўлиши аниқ ва улар илгари клуб нима эканлигини билишмаган. Натижада Месси, Мбаппе, Ди Мария ва қолганлар бу ерга етиб келишди.

Агар Неймар ва Мбаппени четлаб ўтсак, юз миллион ёки ундан кўп муваффақиятли бўлган битимларни топа олмаймиз", - дея Кьюрининг сўзларини келтиради AS.

Неймар 2017 йилда 222 миллион евро эвазига "Барселона"дан "ПСЖ"га ўтган эди. Ўшандан бери 31 ёшли бразилиялик парижликлар сафида 173 та ўйинда майдонга тушиб, 118 та гол урган ва 77 та голга ассистентлик қилган.