Sadio Manening agenti uning mijozi va Leroy Sane bilan bo‘lib o‘tgan voqeaga to‘xtaldi.
Eslatib o‘tamiz, «Bavariya» «Manchester Siti»ga qarshi 0:3 hisobida mag‘lub bo‘lgan Chempionlar ligasi bahsida, kiyim almashtirish xonasida mojaro yuzaga kelgandi.
Maydonda Mane Sanening yuziga urgan va labini yaralagan. Shundan so‘ng OAVda Leroy Sadioni «qora» deb atagani haqida xabarlar paydo bo‘ldi. Myunxen klubi bu mish-mishlarni rad etdi.
«Evropa futbolidan xabardor bo‘lgan har bir kishi biladiki, Leroy Sane juda takabbur yigit. Holbuki, Sadio Mane hech qachon muammo yaratmagan. Leroy Sane chiziqni kesib o‘tdi.
30 daqiqadan so‘ng [mojarodan keyin] Sane Manega uzr so‘rab xabar yubordi. U xafa bo‘lganini tushundi. Sadio uning kechirimini qabul qilib, «Umid qilamanki, bu boshqa takrorlanmaydi, chunki men kimligimdan juda faxrlanaman», degandi Mane.
