Sadio Manening maslahatchisini aytishicha, "Bavariya"ning germaniyalik futbolchilari senegallik futbolchini uning maoshi tufayli yoqtirishmagan.

"Maneni sotish futbol qarori emas. Sadioning maoshi nemislarni g‘azablantirdi, ular afrikalik futbolchi qanday qilib klubga kelib, hammadan eng ko‘p maosh oluvchi futbolchiga aylanishini tushunishmadi. Shuning uchun ular undan xalos bo‘lishni xohlashdi.

Ular futbolchining agentlariga qo‘ng‘iroq qilishmadi. Shaxsan Sadioga undan qutulmoqchi ekanliklarini aytishmadi. Ular Tuxelni unga uchinchi chap qanot hujumchisi bo‘lishini aytish uchun yuborishdi.

Sadioda nemislarga isbot qiladigan hech narsa yo‘q. U "Bavariya" tufayli emas, o‘zining mehntlari tufayli shunday futbolchiga aylandi. Bu "Liverpul" tufayli sodir bo‘ldi. "Bavariya" noshukurlik qildi. Ular afrika futbolchiga shuncha pul to‘lashdi va bu nemislarni xafa qildi" - dedi Bakari Sisse.