Madridning “Atletiko” klubi hujumchisi Joau Feliks Saudiya Arabistoniga o‘tishni ma’qulladi.
23 yoshli hujumchi "matraschilar" safini tark etmoqchi, ammo yaqin vaqtgacha unga jiddiy davogar topilmadi. Kuni kecha portugaliyalik futbolchini "Al-Hilol"dan o‘z safiga qo‘shib olishga qiziqish borligi ma’lum bo‘ldi. O Jogo nashri xabariga ko‘ra, transfer ehtimoli ancha yuqori. Muhokamalarning muvaffaqiyatli yakunlanishidan barcha tomonlar, jumladan Feliksning o‘zi ham manfaatdor. Muzokaralar jadallik bilan davom etmoqda.
Transfermarkt Joau Feliksning transfer narxini 50 million yevroga baholamoqda.
