"Barselona" "PSJ" hujumchisi Neymarni sotib olish borasida jiddiy o‘ylamoqda.
Bir necha kun avval OAVda braziliyalik futbolchining Kataloniyaga qaytishi haqidagi yangi mish-mishlar tarqaldi. Nufuzli insayder Jerar Romeroning fikricha, bunday ssenariy juda real. "Barselona" prezidenti Joan Laporta Neymarni taklif qilishdan manfaatdor va 31 yoshli futbolchi kelishuvni amalga oshirish uchun maoshini kamaytirishga rozi. “Ko‘k-anorranglilar” bosh murabbiyi Xavi Ernandes haligacha yulduz hujumchi sotib olish g‘oyasini qo‘llab-quvvatlamayapti.
Neymar 2013 yildan 2017 yilgacha "Barselona"da o‘ynagan, shundan so‘ng 222 million yevro evaziga "PSJ"ga o‘tgan. Uning amaldagi shartnomasi 2025 yilgacha mo‘ljallangan.













