"Барселона" "ПСЖ" ҳужумчиси Неймарни сотиб олиш борасида жиддий ўйламоқда.
Бир неча кун аввал ОАВда бразилиялик футболчининг Каталонияга қайтиши ҳақидаги янги миш-мишлар тарқалди. Нуфузли инсайдер Жерар Ромеронинг фикрича, бундай сценарий жуда реал. "Барселона" президенти Жоан Лапорта Неймарни таклиф қилишдан манфаатдор ва 31 ёшли футболчи келишувни амалга ошириш учун маошини камайтиришга рози. “Кўк-анорранглилар” бош мураббийи Хави Эрнандес ҳалигача юлдуз ҳужумчи сотиб олиш ғоясини қўллаб-қувватламаяпти.
Неймар 2013 йилдан 2017 йилгача "Барселона"да ўйнаган, шундан сўнг 222 миллион евро эвазига "ПСЖ"га ўтган. Унинг амалдаги шартномаси 2025 йилгача мўлжалланган.













