"Al-Hilol" klubi "PSJ" yarim himoyachisi Marko Verratti bilan tarkibini kuchaytirmoqchi.

Saudiya klubi o‘tgan oydan beri italiyalik futbolchini qo‘lga kiritish ustida ishlamoqda, ba’zi ma’lumotlarga ko‘ra, u allaqachon transferga shaxsiy roziligini bergan. Sports Zone xabariga ko‘ra, "PSJ" Verratti uchun xuddi shunday 80 million yevro talab qilishda davom etmoqda, biroq "Al-Hilol"ning fikricha, 60 million yevro muzokaralarni muvaffaqiyatli yakunlash uchun yetarli bo‘ladi.

Fransiya OAVlari xabariga ko‘ra, 30 yoshli yarim himoyachi noma’lum sabablarga ko‘ra seshanba kuni "PSJ" mashg‘ulotlariga kelmagan. Marko Verrattining parijliklar bilan tuzilgan mehnat shartnomasi 2026 yilning yoziga qadar tuzilgan.